Madaxa guddiga siyaaasadda ee militariga Suudaan oo ka hadlay Xaalada Dalkaasi

0
182

Jimco, 12 April 2019 (RBB News) –  Ciidanka Milatariga ee dalka Suudaan ee Awoodda xoogga kula wareegay ayaa soo saaray war kale oo ay kaga hadlayaan Xaaladda Madaxweynihii xukunka laga tuuray ee Cumar Xasan Al-Bashiir iyo xaalada dalka Sudan.

Saraakiisha Ciidanka waxa ay sheegeen in Xaaladda ay degan tahay, waxaana ay ugu baaqeen dadka Shacabka in ay muujiyaan tanaasul islamarkaana ay ilaaliyaan Hantida iyo Ammaanka Suudaan.

Janaraal Cumar Zeyn Al Caabidiin Madaxa guddiga siyaaasadda ee militariga Suudaan ayaa sheegay in Cumar Al Bashiir lagu maxkamadeyn doono gudaha dalka isla markaasna aysan tarxiili doonin.

Waxaa uu sheegay in madaxweynihii xilka laga tuuray Al Bashiir uu hadda gacantooda ku jiro.

“Bashiir waxaa lagu maxkamadeyn doonaa gudaha dalka” ayuu yiri Cumar Zeyn Al Caabidiin.

Maxkamadda dambiyada caalamiga ah ee ICC ayaa ku eedeeysay Al Bashiir inuu dambiyo dagaal ka geystay gobolka Daarfuur ee dalka Suudaan.

Waxaa uu intaasi ku daray in muwaadin kasta oo reer Suudaan ah oo dambi galay aanan la horkeeni doonin maxkamad shisheeye ah inta ay golaha militariga ay hayaan awoodda dalka.

Waxa kale oo sheegay ay ciidanka damacsaneen in ey xukunka la wareegaan iyo in ay diyaar u yiheen in ey wax walbo shacabka rabo in ey u sameeyaan.

“Haddi ay shacabka naga dalbadaan in aan dawlado ka degno waxaan diyaar u nahai in 60 maalmood gudahood in aan dawlada shacabka u dhiibno”.