Qaraxyo sababay khasaaro isugu jira dhimasho iyo dhaawac oo ka dhacay magaalada Kapul

0
97

Ugu yaraan 21-Qof oo ay ku jiraan 4-Wariyeyaal ah ayaa ku geeriyooday halka daraasiin kale ay ku dhaawacmeen ka dib labo Qarax oo is xig xigay oo ka dhacay magaalada Kapul ee caasimadda dalka Afgaanistaan,sida ay sheegeen Saraakiisha Caafimaadka dalkaasi.

Qaraxyada ayaa aroornimadii saakay waxay ka dhaceen aaga Shashdarak oo ka tirsan caasimadda dalkaasi ee Kapul.

Qaraxa hore oo ahaa Qof Naftii halige ah oo isku soo xiray Walxaha Qarxa ayaa isku qarxiyay xarun Laamaha amaanka Afganistan ay leeyihiin oo ku taalo magaalada Kapul,sida laga soo xigtay Afhayeen u hadlay Wasaaradda Arrimaha gudaha dalkaasi.

Sidoo kale,Qaraxa Labaad oo ku dhacay 20-daqiiqo gudahooda ka dib Qaraxii koowaad ayaa saameynta ugu ballaaran waxay ka soo gaartay Kooxo Gurmad Caafimaad iyo Wariyeyaal goobta soo gaaray,sida warbixintu ay sheegeyso.

Afhayeenka Wasaaradda Caafimaadka ee dalka Afgaanistaan ayaa sheegay in Weerarka ay ku dhinteen ku dhawaad 21-ruux halka 27-kale ay ku dhaawacmeen.

Warar ka soo baxaya weerarka ayaa sheegaya in laga cabsi qabo in khasaaraha ka dhashay Qaraxyada marba marka ka danbeyso ay sii kordhi karto.

Wakaalada Wararka ee AFP,ayaa ku warantay in Wariye sawir qaade u ahaa,Shah Marai,uu ka mid noqday dadka ay Qaraxyada waxyeelo ka soo gaartay.

Sidoo kale,TOLO NEWS,ayaa sheegeysa in Qaraxii Labaad ay ku dhaawacmeen labo kale oo ka tirsan wariyeyaasha goobta gaaray.

Ma jirto,cid ilaa iyo hadda sheegatay Mas’uuliyadda Qaraxyada ka dhacay magaalada Caasimadda ah ee Kapul oo ku soo aaday,xilli subax hore ay tahay oo dadka ay shaqooyin iyo waxbarashada ay u jarmaadayeen.

LEAVE A REPLY

Please enter your comment!
Please enter your name here