Hogaamiyaha Daacish oo sheegay in dhowr jeer ay dilal iyo qaraxyo ka geysteen Soomaaliya

0
73

Talaado RBB News:- Hoggaamiyaha guud ee ururka Daacish, Abuubakar Al-Baqdaadi oo soo duubay cod maqal ah ayaa ka hadlay howlgalladdii ugu dambeeyey ee ay kooxdu ka fulisay wadama dhowr ah oo ay ku jirto Soomaaliya.

Al-Baqdaadi ayaa inta badan khudbaddiisa diirada kuu saaray dagaalka ay kula jiraan dalalka reer Galbeedka, gaar ahaan Mareykanka.

Hoggaamiyaha ayaa sheegay in Mareykanka lagu jabiyey dalalka Somalia, Afghanistan, Pakistan, Iraq bartamaha Afrika, bariga Aasiya iyo waqooyiga Yemen.

Waxa kale uu sheegay in kooxdiisu ay sii xoogeysaneyso islamarkaana ay guullo ka soo hoyday dagaalladii ugu dambeeyey, sida uu hadalka u dhigay.

Dhowan warbixin ka soo baxday Congress-ka Mareykanka ayaa lagu sheegay in awooda Daacish ay ku sii xoogeysnyeso dalalka Syria iyo Iraq.

Kooxda Daacish faraceeda Soomaaliya ayaa ku xoogan dhulka buuraleyda ee Puntland, gaar ahaan gobolka Bari ee maamulkaasi.