QM oo DF siisay digniin la xiriirta maamullada dalka

0
431

Muqdisho (RBB) – Hay’adda QM ayaa dowlada Somalia uga digtay inay ka weecato hanaanka la dhaqanka maamul Goboleedyada ka jira dalka.

Hay’adda ayaa sheegtay inay jiraan cabashooyin kala ceyn ah oo kaga imaanaya dhanka maamul Goboleedyada ka jira dalka sidaa aawgeed la doonaayo in DFS ay wanaajiso xiriirka maamulada.

Kaaliyaha Xoghayaha Guud ee QM ugu qaabilsan Arrimaha Siyaasadda Rosemary DiCarlo, ayaa sheegtay in lama huraan tahay in DFS ay dib u qafiifiso sharciyada ay kula dhaqanto maamulada.

Rosemary DiCarlo, ayaa hadalkaasi ka sheegtay Shirweynaha Arrimaha Somalia ee haatan ka socda Caasimadda dalka Belgium ee Brussels.

“Waxaa lama huraan ah in Barlamaanka Federalka,. Dowladaha xubnaha ka ah Federalka, Kooxaha Siyaasadda iyo Ururadda ulshadda Rayidka, kuwaasi oo la faa’ideysan doona Hoggaaminta DFS ”

“Waxaa nala wanaagsanaan lahaa in DFS ay qafiifiso sharciyada ay kula dhaqmeyso maamulada si ay u wanaagsanaato wada shaqeynta hadda jirta”

Rosemary DiCarlo, waxa ay intaasi ku dartay inay arrimahaasi taageero ka geysan doonaan deganaanshaha Siyaasadda iyo in la qaado Dadaallo dheeraad oo lagu xoojinayo ka-hortagga cadaadisyadda khatarta leh ee wax u dhimaya Midnimadda.

Haweyneydaan waxa ay intaa raacisay in  Nidaamka loo dhan yahay ee Siyaasadda Somalia u baahan tahay dhismaha Kalsoonida sidii loo kordhin lahaa dhismaha Ammaanka Qaranka.

Dhianaca kale, Shirka Brussels ee looga hadlayo Arrimaha Somalia waxaa la filayaa in maanta la soo gebagebeeyo, iyado olaga soo saari doono War-murtiyeed ay ku mideysan yihiin Beesha Caalamka, Madaxda DFS iyo kuwa Maamul-gobaledyadda.

LEAVE A REPLY

Please enter your comment!
Please enter your name here