AMISOM oo JAWAAB ka bixiysay amarkii uu R/W Xasan Kheyre dul dhigay

0
669

Muqdisho (RBB) – Iyadoo Ra’isul wasaaraha Somalia Xasan Cali Kheyre uu amar ku bixiyay in Garoonka cayaaraha Muqdisho laga saaro ciidamada AMISOM ayaa waxaa hadalkaasi jawaab ka bixiyay Taliska ciidamada AMISOM ee Muqdisho.

Taliska ciidamada AMISOM ayaa sheegay in ka bixitaanka Garoonka cayaaraha Muqdisho uu yahay mid khuseysa Taliska isla markaana ay ciidamada ka saari doonaan xiliga qorshahaasi la dajiyay.

Taliyaha howlgelinta Ciidamada AMISOM Korneyl fabian oo arrintaan ka hadlay ayaa sheegay in kabixitaanka Ciidamada AMISOM Garoonka Ciyaaraha ee Muqdisho uu yahay qorsho hor yaala Taliska Ciidamada AMISOM islamarkaana ay horay u dajiyeen.

Korneyl fabian waxa uu sheegay inay muhiim tahay in laga shaqeeyo amniga caasimada maadaama ay wakhti qaadan doonta inay faarujiyaan Garoonka Cayaaraha Muqdisho.

Hadalka korneyl fabian oo ah Taliyaha howlgalinta Ciidamada AMISOM ayaa imaanaya kadib markii Ra`isul wasaare Xasan Cali Kheyre uu ku amray in si dhaqsi ah ay uga baxaan Ciidamada AMISOM Garoonka Muqdisho.

RBB Online

 

LEAVE A REPLY

Please enter your comment!
Please enter your name here