Boliiska Kenya oo baadi goobaya Nin ka tirsan Al-Shabaab

0
15

Boliiska Dalka Kenya ayaa baadi goob xooggan ugu jira Nin ka tirsan Ururka Al-Shabaab oo looga shakiyay inuu damacsan yahay weerarro ka dhan ah ammaanka.

War Saxaafadeed kasoo baxay Boliiska Dalka Kenya Jimcihii Shalay ayaa lagu sheegay inay ku raadjoogaan Ninkan, kaasoo la sheegay inuu Hubaysan yahay halisna ku yahay nabad gelyada Kenya.

Afhayeen u hadlay Boliiska Kenya oo lagu Magacaabo, Charles Owino ayaa Daily Nation u sheegay in Anthony Munyasya oo loo yaqaan ‘Abdalla’ uu yahay xubin qatar ah oo ka tirsan Al-Shabaab, kaasoo kasoo dagaallamay kuna soo tababartay Soomaaliya 2014-kii.

Charles Owino , ayaa intaa raaciyay in Cabdalla uu xiriir dhow la leeyahay Cabdinuur Xasan, oo ah Nin ku eedeysan inuu xubin weyn ka yahay kooxaha argagixisada.

Anthony Munyasya oo loo yaqaan ‘Abdalla’ ayaa sidoo kale ku eedeysan inuu ka dambeeyay Kaniisad hadda ka hor lagu gubay degaanka Kitui, oo ah halka ay haatan Boliisku ka raadinayaan.

Boliiska ayaa ka cabsi qaba inuu Mr; Cabdalla weerro ka geysta gudaha Dalka Kenya inta lagu gudo jiro Bisha Barakaysan ee Ramadaan, markaas oo kooxaha argagixisada looga bartay inay kordhiyaan weerarradooda.

LEAVE A REPLY

Please enter your comment!
Please enter your name here